सन् १९८४ मा फ्रान्सलाई युरो कप जिताएका प्रशिक्षक मिसेलको निधन

एजेन्सी : सन् १९८४ मा फ्रान्सलाई युरो कप जिताएका प्रशिक्षक मिसेल हिडाल्गोको निधन भएको छ । उनी लामो समयदेखि बिरामी थिए । हिडाल्गोको मृत्यु स्वभाविक रहेको र कोरोना भाइरसवाट नभएको बताइएको छ ।

फ्रान्सेली फुटबललाई पहिलो पटक मुख्य प्रतियोगिता जिताएका हिडाल्गोको ८७ बर्षको उमेरमा निधन भएको हो । उनले फ्रान्सलाई सन् १९७६ देखि १९८४ सम्म प्रशिक्षण दिएका थिए ।

आयोजक फ्रान्सले स्पेनलाई २–० ले पराजित गर्दै युरोपियन च्याम्पियन बनेपछि उनले प्रशिक्षक पद छाडेका थिए । मिचेल प्याटिनी फ्रान्सले पहिलो पटक युरो कप जित्दाका टिमका कप्तान थिए । उनले प्रतियोगितामा ९ गोल गरेका थिए ।उनले अन्तराष्ट्रिय स्तरमा फ्रान्सेली फुटबलको पुर्ननिर्माण गरेका थिए ।

तपाईको प्रतिक्रिया

Techie