‘वुहान भाइरस’ शब्द राख्ने अमेरिकी प्रस्ताव अस्वीकृत

एजेन्सी : जी सेभेन राष्ट्रको संयुक्त वक्तव्यमा ‘वुहान भाइरस’ शब्द राख्ने अमेरिकी प्रस्ताव अस्वीकृत भएको छ । कोरोना भाइरसलाई वुहान भाइरस भनिनु पर्ने र कोरोना भाइरस फैलनुको कारण चीन भएको वक्तव्यमा उल्लेख गरिनुपर्ने प्रस्ताव बैठकले पारित नगरेको हो ।

बैठकमा अमेरिकी विदेशमन्त्री माइक पोम्पेओले वुहान भाइरस शब्द राखिनुपर्ने अडान राखेपछि जी सेभेन को बैठक संयक्त वक्तव्य जारी नगरी सकिएको छ । बुधबार जी सेभेन राष्ट्रका विदेशमन्त्रीबीच भिडियो सम्मेलन भएको हो । बैठकमा कोरोनाविरुद्ध एक भएर लड्ने विषयमा भने सहमति भएको छ ।

अमेरिकी राष्ट्रपति डोनाल्ड ट्रम्पले पनि कोरोना भाइरसलाई क्षेत्रीय र जातीय दिँदै आएका छन् । उनले कोरोना भाइरसलाई चिनियाँ भाइरस भन्ने गरेका थिए । विश्व स्वास्थ्य संगठनले समेत ट्रम्पको भनाइमा आपत्ति जनाउदै आएको छ ।

तपाईको प्रतिक्रिया

Techie